Panalangin ni San Francisco de Asis
Poon, nawa’y ako’y Iyong tulutang
Maging kasangkapan ng iyong kapayapaan.
Sa pagkamuhi, nawa’y maitanim ko ang pag-ibig,
Sa sakit, pagpapatawad,
Sa duda, pananalig,
Sa hapis, pag-asa
Sa karimlan, liwanag,
Sa kalungkutan, saya.
O Mabathalang Poon, nawa’y di ko hangarin
Ang mamanatag kaysa ang magpanatag,
Ang maintindihan kaysa ang umintindi,
Ang mahalin kaysa ang magmahal.
Sapagkat nasa pagbibigay ang mabigyan,
Nasa pagpapatawad ang mapatawad,
At nasa kamatayan ang buhay na walang hanggan.
Amen.
No comments:
Post a Comment